Двајца маскирани разбојници, едниот вооружен со ловџиска пушка, другиот со пиштол, влегле во тетовското казино „Гранд“, го ограбиле и избегале. Грабежот се случил во три часот наутро. Во тоа време во казиното биле двајцата вработени, 22-годишниот М.Ц., неговиот врсник и колега И.Р. и еден гостин, кој играл на апаратите. Разбојниците го впериле оружјето кон нив, им наредиле да легнат на подот, украле 2.800 евра од касата во која бил дневниот промет и избегале во непознат правец.